(Skermgreep uit die video)
Almal het ʼn vriend nodig, en dié olifant se beste vriend is toe ʼn hond. ʼn Oulike video van die twee vermurwe kykers se harte.
Die video, wat reeds in 2015 verfilm is, wys hoe Yindee, ʼn baba-olifantjie, met ʼn hond genaamd Milo speel by Thailand se olifantpark. Die video maak weer opslae nadat die Indiese bosboubeampte Susanta Nanda dit onlangs op sy Twitter-rekening gedeel het. “Vriende kom in alle groottes en vorms,” het hy geskryf toe hy die video gedeel het.
Volgens One Green Planet was dit die eerste keer dat Yindee ʼn hond teëgekom het. In plaas daarvan om huiwerig te wees, het die twee sommer dadelik begin speel.
Die olifantpark in Thailand se Chiang Mai-provinsie, is ʼn reservaat vir olifante wat mishandel of wees gelaat is. Yindee is in 2013 in die park gebore en is die kalf van Mintra, ʼn olifantkoei wat deur ʼn motor getref is toe sy maar vier jaar oud was.
Milo behoort aan een van die bewaarders.
Friends come in all size and shapes… pic.twitter.com/PaDOQzG6c4
— Susanta Nanda (@susantananda3) November 26, 2020
Dis nou te dierbaar vir woorde!!!!!
Dierbaar!