‘n Skermskoot uit die video.
Die video wat Maandag deur GroovaRoo Dance op Facebook gedeel is, wys hoe die pa’s by ʼn dansateljee in San Diego, Kalifornië, met hul danspassies spog. Die ateljee spesialiseer glo in dansklasse vir ouers en hul babas – en dis nie net groot pret vir die egpare is nie, maar ook voordelig vir babas se sensoriese ontwikkeling.
Die pa’s voer hul dansroetine uit op die bekende liedjie “Play that Funky Music” van Wild Cherry, terwyl hul babas stroopsoet sit waar hulle voor aan hul pa’s vasgemaak is. ʼn Mens kan in die agtergrond hoor hoe vroue, vermoedelik die babas se ma’s, die mans luid toejuig.
https://www.facebook.com/groovaroodance/videos/460714190799472/
