ʼn Oulike video beeld die oomblik uit wat ʼn renoster opgewonde was om weer sy bewaarder te sien.
Die video is by Fort Worth-dieretuin in Texas verfilm. Die sesjarige Crockett, ʼn swartrenoster, bokspring van vreugde toe hy sy bewaarder, Kylee, sien.
Die dieretuin is al sedert 14 Maart gesluit vir die publiek weens die koronavirus-pandemie. Personeellede en bewaarders is egter daagliks in die dieretuin om na die diere om te sien en hulle te versorg.
Crockett is die jongste van drie kritek-bedreigde swartrenosters by die dieretuin. Volgens ʼn woordvoerder is hy spelerig en vaar baie goed wanneer hulle opleiding doen.
Dit is so oulik. Wys jou hul verstaan en kan ook duidelike emosie toon. Hoe kan mense so wreed wees om hul te verniel.
So oulik!
Net té dierbaar vir woorde. Dit vermurwe ‘n mens se hart om ‘n gelukkige dier te sien.
Ek is baie dankbaar daardie baba renoster is in veilige bewaring en dat daar so mooi agter hom gekyk word. Hy is dierbaar en so afhanklik van die mens sonder sy eie ma. Dankie aan die mense wat hom versorg.