Video: Renosterkalf-wesie baljaar saam met lammertjie

Gertjie en Lammie. Die video volg onderaan die berig.

Gertjie en Lammie. Die video volg onderaan die berig.

Gertjie, ʼn wees renosterbulletjie wie se ma in Mei vanjaar vir haar horing gestroop is, en sy beste makker, Lammie, raak soveel harte wêreldwyd dat ʼn video van hoe die twee baljaar, reeds meer as ʼn miljoen keer gekyk is sedert dit op 12 Oktober op YouTube gelaai is.

Die video is deur Hoedspruit Endangered Species Centre geneem en op YouTube gelaai. Volgens die sentrum is Gertjie en Lammie beste vriende, maar Gerrie het nog nie agtergekom dat hy nie kan bokspring soos Lammie nie.

Gertjie het binne ʼn maand ʼn internetsenasie geword vandat die sentrum hom aangeneem en begin versorg het. Sy hartseer storie word gebruik vir wêreldwye bewusmaking van renosterstropery. Lees meer oor die sentrum hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae