Video: Rower kom sy moses tee – ʼn tros piesangs!

Argieffoto (Foto: PublicDomainPictures/Pixabay)

ʼn Winkelier van Ontario in Kanada het Saterdagaand ʼn rooftog gefnuik toe sy die dief met ʼn tros piesangs bygedam het.

Konst. Akhil Mooken, woordvoerder van die Peel-streekspolisie, het gesê beamptes is na die toneel ontbied waar ʼn man die winkel probeer besteel het. Die winkelier het gesê ʼn man het omstreeks 21:00, ʼn uur voor die winkel sou sluit, die winkel betree en die kasregister genader. Hy het geld geëis en wou sommer op die toonbank klim om die geld in die hande te kry.

Saungae Kim, die winkelier, het ʼn tros piesangs op die toonbank gegryp en die man daarmee bygedam. Hy het te voet van die toneel gevlug.

Mooken het bevestig niemand is beseer tydens die voorval nie.

Klik hier as die video nie direk in jou webblaaier wil speel nie

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

CJ ·

Wed julle dié truuk sal nie vir SA rowers werk nie. Hulle sal jou aankla onder die Wet op Voedselbeskadiging of iets soortgelyk…

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.