Video: Siek meisie kry ongewone kaartjies by spietkop

ʼn Pa van Wisconsin in die VSA het besluit om sy siek dogter op ʼn ongewone manier te verras nadat sy ʼn groot gedeelte van 2014 in die hospitaal deurgebring het.

ABC News berig dat Marc Daniloff met die Saukville-polisie gereël het om sy vir dogter, Audra, ʼn spesiale geskenk af te lewer. Audra ly aan ʼn rare siekte wat haar immuunstelsel aanval.

Audra was einde verlede jaar op pad skool toe, toe sy deur ʼn verkeersbeampte van die pad af getrek is. “Ek het goeie en slegte nuus vir jou,” het die verkeersbeampte aan Audra gesê. “Die slegte nuus is dat ek vir jou twee kaartjies gaan gee. Die goeie nuus is dat dit waarskynlik nie die kaartjies is wat jy van my sal verwag nie.”

Die verkeersbeampte het vir Audra ʼn vliegkaartjie na New York en konsertkaartjies vir haar gunsteling musiekgroep gegee.

“Jy is my gunsteling polisiebeampte in die hele wêreld,” het Audra uitgeroep met trane wat teen haar wange af gerol het.