Skermgreep uit die video
ʼn Video van goue skilpadkewers is binne een dag reeds meer as 1 miljoen keer op Twitter gekyk. Dié kewer staan ook bekend as Charidotella sexpunctata en is inheems aan die Amerikas.
Die video is deur Amazing Nature op Twitter gedeel en alhoewel foto’s en video’s van dié unieke insekte gereeld op sosiale media verskyn, maak dit elke keer opslae.
Die video wys minstens drie goue skilpadkewers op iemand se palm. Een vlieg weg sodra die video begin en een kruip tot naby aan die punt van die hand se vingers.
Dit is nie bekend waar die video geneem is nie.
Volgens die Missouri- departement van natuurbewaring, is die goue skilpadkewer, net soos ander skilpadkewers byna rond en heeltemal plat. Die spesie is ʼn blink metaalagtige goue of oranje kleur en die rande is deurskynend. Die goue kleur verander met elke lewensfase.
Die University van Florida het navorsing oor dié unieke spesie gedoen en sê die ontwikkelingsfase tot volwassene is ongeveer 40 dae.
Die goue skilpadkewer kom wydverspreid voor in die ooste van Noord-Amerika, tot ongeveer Iowa en Texas. Dit is een van drie spesies skilpadkewers in Florida.
The Golden Tortoise. Awesome Nature pic.twitter.com/J3IQ8KXFLU
— Amazing Nature (@AmazingNature00) April 11, 2022
Dis is absoluut ongelooflik.
Hoop hulle bly uit die mensdom se hande uit. As renosterhorings sekere siektes kan ‘genees’, wat sal vd arme goue kewertjies oorbly?
Sjoe dis ongelooflik mooi.
Verstommend…….absoluut die natuur se manier om elke keer jou asem weg te slaan…..en ons waardeer dit nie……hartseer……
Die wonders van die natuur verstom my elke dag, hoe Almagtig is ons GOD nie !!
Pragtag! ,dit lyk soos speelgoed.