Video: Vyfjarige sit 70m bo die grond in diefwering vas

Die video van die reddingspoging volg onderaan die berig. ʼn Vyfjarige van China moes deur ʼn buurman en noodreddingswerkers gered word toe sy, 70 meter bo die grond, in diefwering vasgesit het.

Die meisie, wat glo haarself per ongeluk in hul woonstel in Daye in Hubei-provinsie, China, toegesluit het, het Saterdag uit die sitkamer se venster geklim. Die woonstelblok is 24 verdiepings hoog. Haar kop het egter in die diefwering vasgesit toe sy wou deurklim.

Plaaslike media berig ʼn buurman het haar hoor huil en die polisie en brandbestryders ontbied. Toe hulle by die woonstelblok opdaag, het hulle besef die woonstel is van binne gesluit. Hulle moes die deur oopbreek en deur die diefwering sny om haar te bevry.

Een van die inwoners het ook uitgeklim om haar van buite af te red.
http://youtu.be/B2krOh-Jzh8

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.