Foto: Mustang Wanted, Facebook
Die video volg onderaan die berig. ʼn Video van ʼn sogenaamde “vry-klimmer” en waaghals is binne vyf dae reeds meer as 2 miljoen keer op YouTube gekyk.
Die man, wat slegs as Mustang Wanted bekend staan, is van Oekraïene en hy kan onder andere op die brug in Kiev gesien word waar hy, sonder ʼn harnas, net aan sy een hand hang.
“Die toertjies word deur professionele persone uitgevoer,” sê Mustang Wanted op sy webwerf. “Ek moet daarop aandring dat niemand sal poog om dié toertjies self te probeer nie. Selfs al is jy heeltemal oortuig dat jy dit kan doen, plaas jy jouself in gevaar.”
Maroela Media raai ook sy lesers af om enige van die toertjies by die huis, of selfs jou naaste wolkekrabber te probeer.
