[Video] Wêreld se eerste tatoeëermasjien-prostese

JC Sheitan Tenet (Foto: Facebook via JC Sheitan Tenet)

Die Franse tatoeëerkunstenaar, JC Sheitan Tenet, wat sy arm 22 jaar gelede verloor het, het pas die eerste mens in die wêreld geword om ʼn tatoeëermasjien-prostese te kry.

Die prostese is gemaak deur verskeie dele van die bestaande prostese te gebruik, saam met die meganiese werkinge van ʼn tikmasjien, sowel as ʼn manometer en vlekvrye staal.

Tenet het op sy Facebook-profiel geskryf verskeie van die dele van dié prostese is ook weggooibaar om te verseker dit bly dit higiënies.

“Die dele soos die naalde en rubber wat met mense se vel in aanraking kom, is weggooibaar en word vervang,” het hy geskryf. “Die res van die masjien word skoongemaak soos ʼn normale masjien waarmee mens tatoeëerwerk doen.”

Verskeie mense was al onder die naald van dié prostese, wat spesiaal vir hom ontwerp is deur die Franse kunstenaar, JL Gonzal.

Bron: Bored Panda