Yoshi, ʼn karetseeskilpad (“loggerhead turtle”) is op 16 Desember 2017 in die see vrygelaat.
Yoshi was so groot soos ʼn aandete-bord toe sy aanvanklik in 1997 met ʼn vissersboot by die Twee Oseane-akwarium in Kaapstad aangekom het. Gegewe haar ouderdom, uitstekende gesondheid en gedrag, het die akwarium oorgehaal om haar in die see terug te laat.
Sy het 183 kg geweeg toe sy 27 seemyl suidwes van Houtbaai, in 20.6°C water vrygelaat is.
Waar is Yoshi nou?
Yoshi is met ʼn satelliet-kaartjie gemerk en jy kan haar reis volg op die Twee Oseane-akwarium se webwerf.
“Yoshi se ‘paspoort’ is op 26 Januarie gestempel toe sy Suid-Afrika verlaat en Namibiese water betree het. Sy was in daardie stadium 71 km noordwes van die Oranjerivier, en ongeveer 15 km van die kuslyn af, op ʼn diepte van 113 m in 19°C water,” lui ʼn verklaring deur die akwarium. Sy reis ongeveer 30 km oor 24 uur en lyk baie sterk.
Yoshi swem soms nader aan die kus, waarskynlik om kos te kry.
Binne 43 dae het sy ʼn afstand van 1 233 km afgelê. Sy swem teen ongeveer 1.19 km/h wat heeltemal binne die normale spoed is vir wilde karetseeskilpaaie.
Sien nog foto’s van Yoshi se vrylating.
Sterkte Yoshi, ek weet nie waarheen jy oppad is nie, jy swem elke dag minstens 31 km, maar jy gaan sterk!!
Sterkte Yoshi. So ver gaan dit goed. Goed gaan!!
Die vryheid moet seker fantasties voel. Ek is so bly hulle het haar laat gaan. Ek kry die diere in die dieretuine en akwariums so jammer. En voëls in hokke is vir my eers erg.
!!!!!!!!!!!!!!!