Niemand sal jou kwalik neem as jy dié video kyk en oortuig is dat dit beeldmateriaal van ruimtemannetjies is nie.
Die video, wat binne vyf dae reeds meer as 12 miljoen keer op Twitter gekyk is, wys twee wit, geheimsinnige kreature met groot oë – en mense is verstom as hulle hoor dis eintlik net twee uiltjies.
Die video is reeds in 2017 verfilm, maar het nou weer opslae op Twitter gemaak toe ʼn gebruiker dit gedeel het.
“Ek is nou oortuig dat mense, wat beweer hulle het ruimtewesens gesien, eintlik net baba-uiltjies gesien het,” het Daniel Holland by die video op Twitter geskryf.
Die kreature is Oosterse nonnetjie-uile.
Volgens die Daily Mail is die video twee jaar gelede op ʼn konstruksieperseel in Viskhapatman, Andhra Pradesh in Indië verfilm. Die nonnetjie-uile is nog nie volwasse nie en het dus nog nie hul volledige veredos nie. Hulle is waarskynlik ook verskrik omdat hulle skielik versteur is.
“Die hartvormige gesigte en afwaartse snawels is kenmerkend van die spesie,” het Shivani Dongre, kurator van die Nehru-dieretuin, aan die Daily Mail gesê. “Omdat dit ʼn konstruksieperseel is, staan hulle dus ook op ʼn plat oppervlak. As dit ʼn oppervlak is waaraan hulle kon vasgryp, dan sou ons duidelik kon sien dat hulle die tak vasgryp.”
I’m now positive that people who claim to have seen aliens have actually just seen baby owls. pic.twitter.com/CAr65NG9qR
— Daniel Holland (@DannyDutch) November 14, 2019
Klik hier as die video nie direk in jou webblaaier wil speel nie
Aaw hulle is so oulik!!!
Sou my nogal die skrik op die lyf gejaag het.
Nonnetjies uiletjies
Hulle lyk bekend se maar eerder nie ha,ha,ha lyk te oulik
Baba uiltjies se agterent. Poppe wat daar staan gemaak is.
@ Martin. Dit is uiltjies. Hulle moet nog net vere kry.
lyk soos my skoonma en skoonsusters
…en dis toe die fight begin het Edelagbare.