ʼn Facebook-plasing deur die Lathrop Manteca-brandweer in Kalifornië is baie gewild van ʼn hond wat Saterdag in die moeilikheid beland het.
Die Duitse herdershond het ʼn kat tot in ʼn hoë boom agternagesit en toe besef hy weet nie om weer af te kom nie.
Foto’s van die brandweer wys hoe brandbestryders ʼn leer gebruik om die gestrande hond weer terug te kry op die grond. Volgens KCRA het die kat uit die boom gespring toe die hond gered is, en is ook nie beseer nie.
“Lawwe hond. Bome is vir katte!” het een persoon in die kommentaar geskryf.
Die brandweer het intussen bevestig dit gaan goed met hond en kat.