Wally swem 4 000 km tot in Ysland

Wally (Foto: Náttúrustofa Suðausturlands/Facebook)

Een van die bekendste walrusse in die wêreld, Wally, is opgespoor. Toe hy meer as 22 dae vermis was, is daar gevrees dat hy dalk iets oorgekom het.

Die seesoogdier, wat sowat 800 kg weeg, is Sondag in Ysland opgemerk. ʼn Video wat op Facebook gedeel is, wys hoe die walrus in die water teruggly.

Wally is laas gesien by Seal Rescue Ireland, sowat 900 km van Ysland. Hy word as ʼn nomadiese walrus beskryf, weens sy unieke kwaliteit om die wêreld te besoek voor hy na sy tuiste in die Arktiese gebied terugkeer.

Die Twitter-rekening Seal Rescue Ireland het ʼn plasing gedeel: “Ná 22 dae sonder dat Wally opgemerk is, het ons moed verloor dat ons hom ooit weer sou sien. Ons het egter pas ʼn kennisgewing ontvang dat ʼn soortgelyke walrus gister in Ysland opgemerk is.”

Die walrus het in die somer na Frankryk, Spanje en die Scilly-eilande getoer, soos berig in die Dailymail UK. Die Britse duikers Marine Life het bevestig dit is inderdaad Wally nadat hulle foto’s en littekens bestudeer het.

Wally het nagenoeg 4 000 km geswem om by Ierland uit te kom, berig die BBC. Hy het meer as 900 km van West Cork gereis.

ʼn Fotograaf en safarigids genaamd Nathaniel Barry het die walrus Wally gedoop. Hy het aanvanklik ná ʼn vlugtige kykie gedink dit is ʼn rob, maar het later besef dit is ʼn walrus.

Owerhede in Pembrokeshire meen die toeriste en branderplankryers is daarvoor verantwoordelik dat Wally gereeld van sy ysige woning af wegbeweeg.

#WalrusWatch UPDATE: After 22 days with no confirmed sightings, we were starting to lose hope of ever seeing the young, wandering walrus again. HOWEVER, we just received notice that a similar-looking walrus was sighted yesterday in ICELAND..
Picture: Hafrún Eiríks / Höfn 1/7 pic.twitter.com/ZQLwGtbVol

— Seal Rescue Ireland (@seal_rescue) September 20, 2021