Wenke: Moenie jou toiletpapierrolletjies weggooi nie

Toiletpapierrolletjies kan op allerhande kreatiewe maniere ingespan word en mens hoef dit beslis nie weg te gooi nie!

Hier is ʼn paar praktiese wenke:

Dekoratiewe spieël

Jy kan jou mure met dié oulike dekoratiewe spieël versier. Knip die rolletjie in kleiner stukkies en plak dit alles saam. Plaas dit dan rondom ʼn spieël.
Klik hier om stap-vir-stap te sien wat om te doen.

Stoorplek vir speelgoedkarretjies

Jy kan dié maklike motorhuis bou vir jou kind se speelgoedkarretjies – dit lyk boonop sommer baie netjies!

Plant ʼn saadjie

Karton is ideaal vir ʼn saadjie, omdat dit uiteindelik kompos sal word.
Klik hier om te sien hoe jy te werk moet gaan.

Organiseer jou lessenaar

As jy ʼn plek nodig het waar jy penne, potlode en ander skryfbehoeftes kan bêre, is dié organiseerder jou antwoord. Verf die rolletjies en plak dit alles op een groot stuk karton.

Voer die voëltjies

Bedek ʼn toiletrolletjie met grondboontjiebotter en dan met voëlsaad

Hou jou kabels netjies

Hou jou kabels netjies met dié eenvoudige wenk – jy sal nooit weer sukkel om dit te ontkoek nie!

Hou jou wol netjies

Jy kan jou wol of garing maklik om ʼn toiletrolletjie draai en dit alles netjies op een plek hou.

Organiseer jou serpe

Plaas die toiletpapierrolletjies in ʼn leë laai, rol jou serpe op en plaas elkeen in ʼn rolletjie.

Bêre jou geskenkpapier

Maak seker jou geskenkpapier rol nie vanself af nie.

ʼn Elegante geskenkboksie

As jy ʼn klein geskenkie vir iemand gee, is ʼn toiletpapierrolletjie dalk net die ding!

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Ansie ·

My dogter gebruik dit on die kinders se onderklere netjies in hulle kas te stoor nadat hule self geverf het na hulle smaak.

Wonder ·

Dit is baie oulike wenke. Ek geniet die om kreatief te wees. Ek sal nog wenke baie waardeur. Lekker naweek almal

Casper Labuschagne ·

Met ‘n sker, knip die punte in parallelle 8mm stroke na die middel van die rolletjie toe vir sowat ‘n derde van die lengte van die rolletjie. Herhaal reg rondom die een kant en herhaal na die ander kant. Buig nou al die punte na buite toe sodat ‘n effektiewe wiel gevorm word deur die punte. Jou kat het sopas die beste speelding gekry wat jy ooit vir ‘n kat kan gee.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.