Wêreld se kleinste Rubik-kubus opgelos

Skermskoot uit die video (Tony Fisher)

Skermskoot uit die video (Tony Fisher)

Tony Fisher van Engeland, ʼn raaisel-entoesias, het ʼn video op sosiale media gedeel nadat hy die wêreld se kleinste Rubik-kubus opgelos het.

Fisher hou die Guinness-wêreldrekord vir die grootste Rubik-kubus nadat hy een van meer as 150 cm hoog opgelos het.

In dié video los hy ʼn Rubik-kubus op van slegs 5,6 mm groot. Die vorige rekord was 5,9 mm, maar dit is egter nie amptelike rekords nie.

Hy verduidelik hy kon nie ʼn 3D-drukker kry om die kubus klein genoeg te maak nie, so hy het ʼn kubus, wat aanvanklik 6 mm groot was, gebruik en dit kleiner afgevyl.

Volg Fisher op Facebook of sy YouTube-kanaal vir nog interessante Rubik-raaisels en besoek sy webwerf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae