Yslike opaal vir meer as R2 miljoen verkoop

Americus Australis (Foto: Alaska Premier Auctions & Appraisals)

ŉ Edelgesteente, een van die grootste edelgesteente-gehalte opale, is Sondag op ŉ veiling vir $143 750 (ongeveer R2,1 miljoen) in Alaska verkoop.

Die opaal, genaamd “Americus Australis”, weeg meer as 11 800 karaat, aldus die afslaers Alaska Premier Auctions & Appraisals.

Nick Cline, een van die eienaars van die afslaers, sê dit is die mees indrukwekkende item wat hulle al ooit beskikbaar gemaak het.

Die opaal is een van die top-5 grootstes in die wêreld.

“Die opaal is in die 1950’s in die Eight-Mile Opal Fields van Coober Pedy in die suide van Australië gevind,” sê Cline. Dit was byna sewe dekades deel van ŉ privaat versameling.

Die Americus Australis is die sustersteen van die Olympic Australis, ŉ 17 000 karaat – die grootste edelgesteende-gehalte steen in die wêreld. Die Olympic Australis, met ŉ waarde van ongeveer $1,8 miljoen (meer as R27 miljoen) bly in die wêreldbekroonde versameling van die edelgesteende-handelaars Altmann Cherny & Associates.

Dit is dieselfde handelaars wat die Americus Australis aan die familie van afslaers se afsender verkoop het.

Die verwagting was dat die steen tussen $250 000 en $350 000 op die veiling sou haal.

Die Americus Australis is onlangs in ŉ linnekas in ŉ huis in Big Lake, noord van Anchorage, gehou deur Fred von Brandt, wat goud myn in Alaska. Die Von Brandts het ŉ lang geskiedenis in die edelgesteente- en steenbedryf.

Die opaal is groter as ŉ baksteen en is in twee dele gebreek. Volgens Von Brandt was dit ŉ praktyk wat dekades gelede gebruik is om die gehalte van die steen te betaal.