Kikker jou Paasfeesbraai met dié lekker broodjies op.
Lewer ongeveer 40 broodjies.
Bestanddele
- 2,5 kg witbroodmeel
- 1 x 10 g-pakkie kitsgis
- 5 ml sout
- 15 ml suiker
- ongeveer 1,3 liter louwarm water
- bietjie olie vir smeer
- 250 g (ongeveer 250 ml) of dalk meer Holsum of ongesoute botter
Metode
- Meng meel, gis, sout en suiker in ‘n mengbak saam. Roer water by tot ‘n sagte deeg vorm en knie sowat 10-15 minute op ‘n meelbestrooide oppervlak, of tot sag en elasties.
- Smeer deeg liggies met olie en plaas in ‘n skoon bak. Bedek met ‘n skoon doek en laat op ‘n warm plek tot dubbel die volume rys.
- Knyp groterige deegballetjies af en druk elkeen plat. Stip 2-3 klontjies Holsum of botter oral op deeg en vou deeg dubbeld. Druk weer plat en herhaal proses sowat 4-5 keer.
- Braai plat degies soos roosterkoeke aan beide kante oor matige kole. Sit dadelik voor.
Bron: Braaigeregte.
Uitgewer: Lapa.