Die wêreld in foto’s – 7 Januarie 2020

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Ricky Brabec van die Verenigde State wag by die derde fase van die Dakar-veldtydren in Neom, Saoedi-Arabië, se wegspringpunt. (Foto: Bernat Armangue, AP)

Iranse wetgewers dreunsing slagspreuke in ʼn ope parlementsitting in Teheran, Iran, terwyl sommige van hulle plakkate van genl. Kassem Soleimani vashou. (Foto: Vahid Salemi, AP)

Lede van ʼn groep opgeleide Kersvaders uit Europa en die VSA dryf in die Dooie See naby Jerigo. (Foto: Ariel Schalit, AP)

Die kiste van genl. Kassem Soleimani en ander wat gedurende ʼn Amerikaanse hommeltuigaanval in Irak vermoor is, word op ʼn vragmotor, omring deur roubeklaers, tydens ʼn begrafnisoptog in Kerman, Iran, vervoer. (Foto: Erfan Kouchari, AP)

ʼn Boeddhiste-monnik bid vir wêreldvrede onder Boeddhiste-vlae tydens Monlam-gebede in Katmandoe, Nepal. (Foto: Niranjan Shrestha, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.