Komende naweek word die 8ste toernooi van die Wêreldreeks in Singapoer gespeel.
Die Blitsbokke is in groep B ingedeel en sal teen Japan, Frankryk en Engeland in die groepfase te staan kom. Verlede jaar het die Blitsbokke 3de by dié toernooi geëindig. Intussen is die beseerde Selvyn Davids deur Sandile Ngcobo vervang vir die toernooi.
Superrugby
Dit gons steeds onder rugbyondersteuners oor SANZAAR se besluit dat Suid-Afrika nét vier spanne in die superreeks gaan behou. Die komitee wat die besluit sal neem, sal kyk na aspekte soos finansiële en ekonomiese volhoubaarheid, die span se ondersteuningsbasis, hul vertonings, asook stadions en fasiliteite.
Die Stormers kan dalk komende naweek ’n slot-probleem hê vir hul wedstryd teen die Lions. Beide Eben Etzebeth en Pieter-Steph du Toit sukkel met beserings.
Aan die kant van die Lions sukkel die heelagter Andries Coetzee met ’n dyspierbesering.
Fietsry
Die Wêreldkampioenskap vir baanfietsry begin vandag in Hongkong. Twee van die items vir mans en vroue wat vandag beslis word, is die span-agtereenvolging asook die span-naelry.
Motorwedrenne
Die Formule Een-aksie verskuif dié week na die Grand Prix van Bahrain. Sebastian Vettel en Lewis Hamilton is kop-aan-kop op die punteleer.
In die MOTO GP-reeks word die volgende wedren eers aanstaande week in Amerika gejaag.
Eendagkrieket
Die Wes-Indiese Eilande en Pakistan het gister in hul derde eendagwedstryd kragte gemeet.
West Indies 233/9 (50.0 bb)
Pakistan 236/4 (43.1 bb)
Pakistan wen met 6 paaltjies met 41 balle oor.
IPL-Krieket
Gister is daar een wedstryd gespeel.
Delhi Daredevils 205/4 (20 bb). Chris Morris het 38 lopies van net 9 balle geslaan.
Rising Pune Supergiant 108 (16.1/20 bb)
Delhi Daredevils wen met 97 lopies.
Bepalings:
Gholf
Ná die opwinding van die Amerikaanse Meesterstoernooi verskuif die aandag dié week na die RBC Heritage-toernooi in Suid-Carolina. In die Europese reeks slaan die spelers af in die Trophee Hassan II-toernooi in Marokko.
Sokker
In die Uefa Kampioeneliga was daar twee wedstryde vir gisteraand geskeduleer.
Juventus 3 – 0 Barcelona
Drie ontploffings het die Duitse Span Borussia Dortmund se bus getref terwyl hulle onderweg na die stadion toe was vir hul wedstryd teen Monaco. Die wedstryd is afgelas.
Vanaand word nog twee wedstryde gespeel.
In Suid-Afrika is daar gisteraand vier wedstryde in die Premierliga gespeel.
Chippa United 0 – 0 Polokwane City
Baroka FC 2 – 1 Free State Stars
Bidvest Wits 3 – 0 Golden Arrows
Orlando Pirates 2 – 0 Maritzburg United
Vanaand word twee wedstryde gespeel: