Met Maroela Media en kykNET se sepiegids kry jy weekliks ʼn voorsmakie van die gebeure in jou gunstelingsepie.
Gys in ‘Diepe waters’. (Foto: Skermgreep)
Binnelanders
Weeksdae om 19:30 op kykNET
Maandag 24 April
Tracy se deurbraak skep ’n nuwe teorie, Louis kry die kans om sy ware gevoelens te verwoord, en die nuwe lokum word vervang. Thalia word rondgery, en Tim verdwyn, tot Danny se ontsteltenis.
Dinsdag 25 April
Thalia is huiwerig oor die modelwerk, Tracy weerhou inligting van Margie, en Danny wil deur Afrika toer. At het ’n vraag vir Letitia, Jeremy konfronteer vir Annelize, en Suzy daag op.
Woensdag 26 April
Dis At en Letitia se troudag! Tertius en Tracy ontsyfer die betekenis van ’n tatoeëermerk. Danny het ’n skuldige gewete, en Thalia speel oop kaarte met Suzy oor die fotosessie.
Donderdag 27 April
Annelize moet haar besluit verduidelik, At het planne met Doepa, en Nicolette kry ’n werksaanbod. Thalia kry ’n les in versorging, en inligting oor ’n misdaadbende kom uit.
Vrydag 28 April
Annelize is geruk deur wat At haar vertel het, Tertius is woedend wanneer hy uitvind oor Karen, en Jaco het sy visier op iemand. Tracy maak iemand agterdogtig.
Suidooster
Weeksdae om 18:00 op kykNET en 18:30 op kykNET&kie
Maandag 24 April
Danni en Siya het ’n groot uitval oor Brendan, terwyl Wade jaloers op Justin se nuwe vriendskap is. Bianca en Dirk se planne word bespoedig, maar gaan iemand ‘n stokkie daarvoor steek?
Dinsdag 25 April
Aiden vra Wade se hulp, en Brendan veroorsaak weer probleme by die pastorie. Gaan Mymoena haar voet neersit?
Woensdag 26 April
Rhafiek kry ’n stewige dosis van sy eie medisyne, en Justin het ’n rowwe dag. Lee-Ann praat haar mond verby, terwyl Siya ’n onverwagse oproep kry.
Donderdag 27 April
Zoe en Tim moedig Danni aan om haar voet neer te sit. Wade nooi homself saam met Aiden en Justin gimnasium toe, terwyl Mymoena stres oor die toekoms.
Vrydag 28 April
Aiden kry die verkeerde indruk oor Wade en Justin wanneer Angie hom uittrap. Siya berispe Brendan oor sy houding, en Danni probeer dinge regmaak. Dirk verdwyn vir die dag iewers heen.
Diepe Waters
Maandae tot Donderdae om 18:30 op kykNET
Maandag 24 April
‘n Mediese toestand skok die Swarts-familie, en Rossouw en Sanet kom agter die kap van die byl.
Dinsdag 25 April
Rossouw en Jacques moet vinnig dink wanneer ‘n onverwagse belegger hulself aankondig as mede-eienaar van die swemklub. Lettie se verlede spook by haar.
Woensdag 26 April
Tshepo oortuig Tommie om tot aksie oor te gaan, want die liefde wag vir niemand nie. Kurt se ondersoek bring hom nader aan die waarheid.
Donderdag 27 April
Karla skrik wanneer sy sien Anja rig weer by die klub af. Henry is angsbevange dat Kurt vermoed hy is die skuldige. Zelda vang Sanet onkant.
Arendsvlei
Maandae tot Donderdae om 19:30 op kykNET&kie
Maandag 24 April
Daniel moet noodgedwonge vir Bianca van Saartjie se dwelmprobleem vertel, maar gaan Saartjie dit oorleef? Tanner vra Eva om saam met hom landuit te vlug.
Dinsdag 25 April
Eva en Lennie se verhouding bereik breekpunt. Beatrice en Thys stel die onderwysers in kennis van die drastiese stappe wat by die skool geneem moet word. Saartjie berou wat sy gedoen het.
Woensdag 26 April
Lennie voel hopeloos sonder Eva en het nie die krag om die gemors, wat hy die vorige nag gemaak het, op te ruim nie. Saartjie vertel vir Bianca dat sy nie ’n dwelmverslaafde is nie.
Donderdag 27 April
Bianca sukkel om antwoorde uit Saartjie te kry, Judy wil die radio-ateljee vandag voltooi, en Beatrice ontvang ’n onverwagse besoeker by die skool.
