Idioom:
Iemand beduie hoeveel blou boontjies vyf is
Betekenis:
Iemand berispe
Waar kom dit vandaan?
Blou boontjies het reeds in Nederlands die betekenis van “koeëls” gehad as gevolg van die blouerige kleur van die lood. Om iemand dus blou boontjies te wys, is om hom dreigend koeëls te wys.
Die vyf verwys na die ou gebruik om boontjies te gebruik as ʼn hulpmiddel wanneer dinge getel moes word. Die boontjies is dan in vywe eenkant toe geskuif.