Resep: Eierballetjies

Eierballetjies (Foto: Lapa-uitgewers)

Jy het heel waarskynlik al die bestanddele reeds in jou huis!

Bestanddele

• 1 x 200 g-pak soutbeskuitjies (bv. Bacon Kips)
• 6 eiers, hardgekook en gerasper
• 250 ml gerasperde kaas
• genoeg mayonnaise om mengsel klam te maak en balletjies te vorm
• 1 x 125 g-pak aartappelskyfies, fyngerol

Metode

1. Rol die soutbeskuitjies fyn.
2. Meng die beskuitkrummels, eier, kaas en mayonnaise en vorm balletjies.
3. Rol die balletjies in die fyn aartappelskyfies.
4. Bêre dit in die yskas in ʼn digverseëlde houer en sit dit as ʼn peuselhappie voor.

Bron: Eet saam

Uitgewer: Lapa