Foto ter illustrasie. (Foto: Monfocus/Pixabay)
Dié happiegrootte droëvrugte-energieballetjies is ideaal vir ’n kosblikversnapering!
Lewer 6–8 porsies
Bestanddele
- 50 g gedroogde appelkose
- 100 g gedroogde dadels, ontpit
- 50 g gedroogde kersies, ontpit
- 10 ml gedroogde klapper
- 10 ml klapperolie
- 15 ml geroosterde sesamsaadjies
Metode
- Meng die appelkose, dadels en kersies in ’n voedselverwerker en pols tot dit baie fyngekap is.
- Skep die vrugtemengsel in ’n bak en voeg die klapper en klapperolie by.
- Gebruik jou hande en meng die olie goed deur die mengsel. Rol die mengsel in happiegrootte balletjies.
- Rol die balletjies in die sesamsaadjies en bêre die balletjies in ’n lugdigte houer. Dis ideaal vir kosblikke.
Bron: Lekker & Vinnig: Vrugte
Uitgewer: Lapa
