Dié tuna- en sampioengereg sal ’n perfekte kosblikdis wees.
Lewer 6 porsies.
Bestanddele
- 300 ml (150 g) rou volgraannoedels
- 1 pakkie (60 g) sampioensoppoeier
- 250 ml laevetmelk
- 250 ml kookwater
- 2 blikke (170 g elk) tunastukke in pekelwater, gedreineer, gevlok (240 g gedreineer)
- 1 blik (285 g) ingemaakte sampioenstukkies en -stingeltjies (143 g gedreineer)
- 2 groot eiers, geklits (sowat 110 g)
- 50 ml gekapte vars pietersielie
- 100 g Edam- of Tusserskaas, gerasper
- paprika en gedroogde gemengde kruie
Metode
- Voorverhit die oond tot 180 °C.
- Kook die noedels vir 8 tot 10 minute in soutwater tot net gaar (al dente). Dreineer en hou dit eenkant.
- Meng die soppoeier met van die melk tot glad. Verhit die res van die melk en kookwater tot kookpunt en roer die sopmengsel by. Roer en kook dit vir 2 tot 3 minute oor lae hitte totdat dit dik en gaar is. Roer die gaar noedels, tuna, sampioenstukkies, eiers, pietersielie en kaas by.
- Skep dit in ‘n gesmeerde oondbak en maak gelyk. Strooi ‘n bietjie paprika en kruie oor. Bak 30 tot 35 minute totdat dit gaar en gestol is.
- Bedien dit met ‘n bros groenslaai of gestoomde gemengde groente.
Bron: Diabetes
Uitgewer: Lapa