Resep: Hawermout-en-piesangplaatkoekies

Hawermout-en-piesangplaatkoekies. (Foto: verskaf)

Wat is nou beter as die reuk van varsgebak vroeg in die oggend? Hierdie hawermout-en-piesangplaatkoekies is vinnig om te maak, hoog in vesel en smaak al te lekker.

Lewer 6 plaatkoekies

Bestanddele

• 1 k hawermout
• 1 t bakpoeier
• 1 ryp piesang
• 1 eier
• ⅓ k melk
• 5 ml vanieljegeursel

Metode

1. Voeg al die bestanddele saam in ʼn voedselverwerker en meng tot ʼn gladde beslag.
2. Spuit ʼn pan met kossproei en laat goed warm word.
3. Skep eetlepels vol beslag in die verhitte pan.
4. Draai die plaatkoekies om sodra dit begin borrel aan die bokant. Bak aan die anderkant tot goudbruin.
5. Bedien met jogurt, vrugte en grondboontjiebotter.

• Rhodene Leydekkers het die resep aan Maroela Media verskaf.
• Rhodene is ’n passievolle dieetkundige. Volg haar hier op Instagram, besoek haar webwerf by www.rhodeneleydekkers.com of stuur ‘n e-pos aan [email protected] vir meer inligting.