Dié hoenderhappies sal kuiergaste aan die smul hê.
Bestanddele
- 600 g hoendermaalvleis
- 10 ml kerriepoeier
- 5 ml gerookte paprika
- 10 ml hoenderspeserye
- 250 ml graanvlokkiekrummels
- 80 ml kanola-olie
Metode
- Meng die hoendermaalvleis, kerrie, paprika, hoenderspeserye en die helfte van die graanvlokkiekrummels in ʼn mengbak.
- Rol ongeveer 30 ml van die maalvleismengsel in ʼn balletjie. Herhaal met die res van die maalvleis en hou eenkant.
- Strooi die res van die graanvlokkiekrummels op ʼn bord en rol die maalvleisballetjies daarin.
- Verhit die olie in ʼn swaarboompan en braai die happies in sarsies vir ongeveer 5 minute. Draai die happies gereeld om sodat dit egalig gaar word.
- Plaas die happies op kombuispapier sodat die oortollige olie kan dreineer.
- Bedien saam met soetrissiesous.
Bron: 50 Hoendergeregte
Uitgewer: Lapa