’n Warm beker sop is darem maar ’n wonderlike ding in die winterkoue.
Lewer 6 porsies.
Bestanddele
- 400 g droë suikerbone
- 500 g beesskenkelskywe
- 2,5 ℓ koue water
- 45 ml (3 e) botter
- 15 ml (1 e) kanola-olie
- 3 uie, fyngekap
- 1 groot aartappel, geskil en gerasper
- 2 knoffelhuisies, fyngekap
- 15 ml (1 e) matige kerriepoeier
- 5 ml (1 t) borrie
- 1 lourierblaar
- sout en varsgemaalde swartpeper na smaak
- 15 ml (1 e) suiker
- 30 ml (2 e) wit druiwe-asyn
Metode
- Week die bone oornag in koue water.
- Plaas die skenkelskywe in ‘n kastrol en bedek dit met die water. Verhit tot kookpunt, plaas die deksel op en verlaag die hitte. Laat dit ongeveer 1 ½ uur prut tot die vleis van die bene loskom.
- Laat die kookvloeistof afkoel en skep enige oortollige vet wat bo-op dryf af. Verwyder die bene.
- Verhit die botter en olie in ‘n swaarboomkastrol en soteer die groente tot die uie sag en deurskynend is.
- Voeg die kerriepoeier en borrie by en braai dit effens.
- Voeg die aftreksel, vleis, gedreineerde bone en lourierblaar by die groente. Laat dit prut tot die boontjies sag is.
- Verwyder die lourierblaar en laat die sop effens afkoel. Skep die sop in ‘n voedselverwerker en pols tot glad. Giet die sop terug in die kastrol.
- Voeg die sout, peper, suiker en asyn by en laat dit goed deurkook . Proe en voeg nog geurmiddels na smaak by indien verkies. Bedien warm.
Bron: 50 Sop- en broodgeregte
Uitgewer: Lapa