ʼn Pastagereg uit die boonste rakke.
Lewer 4 porsies
Bestanddele
- 500 g pasta van jou keuse
- 30 ml olyfolie
- 3 knoffelhuisies, fyngekap
- 200 g bruin sampioene, in dik skywe gesny
- 250 g wit knopiesampioene, in skyfies gesny
- 30ml gekapte peppadews
- 30ml gekapte songedroogde tamaties
- 30 ml gekapte pietersielie
- sout en varsgemaalde swartpeper na smaak
Metode
Kook die pasta tot gaar maar nog al dente. Soteer die knoffel in die olie, maar wees versigtig om dit nie te brand nie, anders raak dit bitter.
Voeg die sampioene by en soteer vir 5 minute tot sag. Roer die peppadews, songedroogde tamaties en pietersielie deur.
Meng die sous deur die warm pasta, geur na smaak en sit dadelik met gerasperde parmesaankaas voor.
Bron: Koskas kos
Uitgewer: Lapa