Probeer iets nuuts en maak vir jouself hierdie interessante roosblaarsorbet.
Bestanddele
- 4 organiese rooi rose se blomblare, afgespoel
- 250 ml (1 k) suiker
- 310 ml water of roséwyn
- 30 ml (2 e) rooswater
- 30 ml (2 e) verjuice of vars suurlemoensap
- 1 eierwit, geklits
Metode
- Verhit die roosblare, suiker en water of wyn stadig tot kookpunt. Roer die mengsel sodat die suiker smelt voordat dit kookpunt bereik. Prut liggies vir 8 tot 10 minute, of totdat ‘n ligte stroop gevorm het.
- Laat dit afkoel en voeg die rooswater en verjuice of suurlemoensap by.
- Vou die styfgeklitste eierwit in. Vries dit in ‘n roomysmasjien, of vries dit vir 2 tot 3 ure, klits om die kristalle te breek en vries dan tot hard.
Bron: Vallei van melk en heuning
Uitgewer: Lapa