Resep: Mikrogolffudge

Foto net ter illustrasie (Foto: Janie Monsieur/Maroela Media)

Hierdie fudgeresep is die enigste een wat jy ooit nodig het!

Lewer sowat 80 porsies

Bestanddele

• 385 g (1 blik) kondensmelk
• 500 ml strooisuiker
• 5 ml vanieljegeursel
• 125 g botter of margarien

Metode

1. Smeer ʼn reghoekige glasbak goed met botter of margarien.
2. Meng al die bestanddele in ʼn diep glasbak en mikrogolf dit 2 minute lank op hoog. Klop dit goed met ʼn houtlepel.
3. Mikrogolf dit nog 10 minute lank op hoog – roer dit elke minuut en sorg dat dit nie oorkook nie.
4. Klop die fudgemengsel goed – dit lyk nie so dik soos fudge wat op die gewone manier gemaak is nie.
5. Skep die mengsel in ʼn gesmeerde bak en laat dit afkoel. Sny dit in blokkies.

Bron: Lekker & vinnig: Lekkers (Uit: Nie vir Ma’s nie deur Karin Behm-Joubert en Daleen van der Linde)
Uitgewer: Lapa