Resep: Groentesop

Groentesop (Foto: Lapa-uitgewers)

Dié maklike groentesop is perfek vir die winter!

Bestanddele

• 6 wortels, geskil en in klein blokkies gesny
• 2 aartappels, geskil en in klein blokkies gesny
• 3 sopbene
• ʼn paar stukkies stowebeesvleis
• 2 ℓ water
• 1 x 500 g pakkie droë sopmengsel
• 2 blokkies beesvleisaftreksel, gekrummel
• sout en peper na smaak

Metode

1. Plaas die wortels, aartappels, sopbene, stowe­beesvleis en water in ʼn kastrol.
2. Verhit stadig tot kookpunt, verminder die hitte en laat die mengsel vir 1 ½ uur prut.
3. Verminder die hitte en roer die droë sopmengsel en aftrekselblokkies goed deur die sop.
4. Geur met sout en peper.

Bron: Kook saam Kaaps

Uitgewers: Lapa