Resep: Jakkie se heerlike biltongslaai

Biltongslaai (Foto: Lapa-uitgewers)

Dié slaai maak gesond-eet lekker!

Lewer 4 porsies

Slaaisous

• 125 ml gekapte pietersielie
• 1 knoffelhuisie, fyngedruk
• 125 ml gekapte sprietuie
• sout en varsgemaalde swartpeper na smaak
• 2,5 ml korrelmosterd
• 125 ml olyfolie
• 30 ml wit asyn
• 15 ml suiker

Slaai

• 500 ml dungekerfde biltong
• verskeidenheid groen slaaiblare
• 1-2 skywe fetakaas, in blokkies gesny
• 2 avokado’s, geskil en in skyfies gesny
• 2 eiers, hardgekook en in kwarte gesny
• 1 rooi soetrissie, ontpit en in lang repies gesny

Metode

1. Slaaisous: Mens slaaisous-bestanddele saam.
2. Slaai: Plaas die biltong in die sous en laat vir minstens 2 uur of verkieslik oornag in die yskas marineer.
3. Pak die slaaiblare op individuele borde en rangskik die res van die bestanddele bo-op die blare.
4. Skep die biltong en van die slaaisous oor en sit dadelik voor. Enige orige slaaisous kan saam met die slaai voorgesit word.

Bron: Proe Pretville deur Leana Pool

Uitgewer: Lapa