Supergesonde ansjovisslaai (Foto: Lapa-uitgewers)
Hierdie heerlike slaai is volgeprop met alles wat lekker is en boonop vullend genoeg vir ’n volledige maaltyd.
Lewer 4 porsies
Bestanddele
- 1 slaaikop, blare losgebreek
- 1 ui, fyngekap
- 1 50 g-blikkie ansjovisfilette, gevlok
- 3 tamaties, in wiggies gesny
- ½ k slaaispruite
- 4 eiers, hardgekook en in skyfies gesny
- 10 knopiesampioene, in skyfies gesny
- 1 pynappel, geskil en in blokkies gesny
- 1 avokado, in blokkies gesny
- 1 k vars uitgedopte of bevrore ertjies
- hand vol groenbone, in derdes gesny en geblansjeer
- hand vol grasuie, gekap
- hand vol gemengde sade
- ½ k Franse slaaisous van jou keuse
Metode
- Plaas die slaaiblare in ’n slaaibak en meng versigtig die res van die bestanddele, behalwe die slaaisous, deur. Giet die Franse slaaisous oor en sit voor.
Bron: Proe Pretville
Uitgewer: Lapa
