Brandbestryders in Kaapstad hou ‘n brand dop wat op die hange van die berg bó Simonstad in die Kaapse Skiereiland woed.
Theo Layne, die woordvoerder van die Brand- en Reddingspanne, het aan RSG gesê die ontoeganklikheid tot die brand bemoeilik sake en dat hulle dit gevolglik nie Donderdagaand onder beheer kon bring nie. Nooddienste is veral bekommerd dat ‘n sterk noordwestelike wind moontlik die brand teen die berg gaan afstuur. Brandweerwaens en watertenks is op bystand geplaas.