Johannes Scheepers (Foto verskaf deur SAPD Wes-Kaap)
Die polisie in Elandsbaai in die Wes-Kaap versoek die publiek se hulp om die 43-jarige Johannes Scheepers op te spoor. Scheepers word van roekelose of nalatige bestuur beskuldig ná ʼn voorval op 7 Maart 2020.
Ao Joseph Swartbooi, woordvoerder van die polisie, sê volgens berigte was Scheepers die dag by ʼn huis in Elandsbaai. “Hy het omstreeks 15:50 in sy motor geklim en toe hy wegry, het ʼn eenjarige seun beserings opgedoen toe hy tussen die bande van die motor beland het.”
Die verdagte het versuim om op 23 Februarie 2021 in die Piketberg-landdroshof te verskyn. “Sedertdien sukkel die ondersoekbeampte om die verdagte op te spoor. ʼn Lasbrief is uitgereik vir sy inhegtenisneming.”
Scheepers is vermoedelik iewers in Kaapstad.
Enigiemand met inligting word versoek om speurdersers. Titus te kontak by 079 894 1824 of 073 417 0391.
Het mense nie meer gewetes nie.
Lafaard!