ʼn Vermeende bedrieër wat met sy beleggingskema glo sowat R1,5 miljoen uit niksvermoedende slagoffers geswendel het, verskyn later vandag in die Rustenburgse landdroshof.
Kapt. Tlangelani Rikhotso, woordvoerder van die Valke, sê die eenheid het die 45-jarige verdagte Dinsdag in hegtenis geneem. Die vermeende bedrogspul is glo uit Rustenburg in Noordwes bedryf.
“Die verdagte het slagoffers na bewering in 2014 gelok om geld te belê in ʼn maatskappy genaamd Green Fields, deur hulle ʼn opbrengs van 100% aan die einde van die beleggingstermyn te beloof,” sê Rikhotso.
Die geld is na bewering in die verdagte se private bankrekening inbetaal en die maatskappy het soos mis voor die son verdwyn sonder om enige van die geld of dividende uit te betaal.
“ʼn Ondersoek is van stapel gestuur en die verdagte is in Gauteng opgespoor en daar in hegtenis geneem.”
Die man staan tereg op 38 aanklagte van bedrog en geldwassery nadat talle van sy vermeende slagoffers reeds na vore gekom het.
En elkeen dink dat hy met sy bedrogspul sal wegkom! Luis!
Nou wie gaan so slim wees om te glo 100% opbrengs?
Geldgieriges glo sulke mense. Het ook nou nie eintlik simpatie met sulke dom mense nie. Jy doen mos eers j huiswerk behoorlik voor j sommer bele in n maatskappy
Our people.
Holrug
Dit gaan my verstand te bowe dat mense nog val vir hierdie skuim van die aarde se streke.As iets te goed is om waar te wees dan is dit nie waar nie.Doen eers ‘n profiel op die makelaar en ondersoek sy agtergrond en die sogenaamde maatskappy.Beĺê eerder by ‘n welbekende instansie van jou keuse en weet jou geld is veilig.
Rooi ligte behoort dadelik te flikker met sulke koerse slegs deur met handelsbanke se koerse te vergelyk, mense is geldgierig en val nog vir so n scam skema.