Die polisie in Gqeberha het op perlemoen ter waarde van R1 miljoen beslag gelê.
Volgens kol. Priscilla Naidu, polisiewoordvoerder, is daar vroeg Dinsdagoggend inligting ontvang oor duikers wat perlemoen in die Seaview-gebied oes.
Die operasie is uitgevoer in samewerking met verteenwoordigers van die departement van landbou, bosbou en visserye.
“Die bosse in die gebied is gefynkam en daar is op 35 sakke met meer as 3 400 stuks perlemoen afgekom.”
Daar is ook op duiktoerusting afgekom. Niemand is nog in hegtenis geneem nie en die ondersoek duur voort.