Foto: Jonathan Groenewald AMS.
ʼn Student is Donderdag gered nadat hy Sondag in die Ceres-berge vermis geraak het.
Dié student van die Universiteit Kaapstad het vermis geraak toe hy water gaan soek het en van sy stapgroep geskei is.
Volgens Vanessa Horn, woordvoerder van die Wes-Kaapse departement van gesondheid se AMS-noodhelikopterdiens, het die student van ʼn krans af geval en in ʼn rotsskeur beland.
Horn het gesê die student is Donderdag skuins ná 07:00 uit die skeur gered waarna hy na die Ceres-hospitaal vervoer is vir behandeling. “ʼn Tweede stapper van die groep word behandel vir dehidrasie.”
Foto: Jonathan Groenewald AMS.
