Vermiste Kapenaar dood aangetref in Houtbaai-huis

Wayne Greer Foto: Facebook

Wayne Greer Foto: Facebook

Wayne Greer wat Sondag uit Vredehoek in Kaapstad verdwyn het, is dood aangetref in ʼn huis in Houtbaai.

Greer se vriende was besorg omdat sy selfoon afgeskakel was en hy nie by die werk opgedaag het nie. Hy was glo ook ʼn erge diabeet en sy chroniese medikasie was in die yskas by sy huis in High Cape, Vredehoek.

Intussen het konst. Noloyiso Rwexana, woordvoerder van die polisie, aan Maroela Media bevestig ʼn man se liggaam is om 05:00 dood aangetref in ʼn huis in Houtbaai. “Die omstandighede van die voorval word ondersoek,” het Rwexana gesê. “Die polisie doen ʼn geregtelike doodsondersoek. Vuilspel word nie vermoed nie.”

Talle persone betuig hul meegevoel met Greer se familie en vriende op Facebook.

*Taro Spies (25) wat op 12 Mei vermoedelik op Tafelberg in Kaapstad verdwyn het, word steeds vermis. Klik hier om meer te lees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Bobbejaan

Seker baie manne se harte is gebreek.

Lea

Bobbejaan, jou naam sê alles … maar ek dink jy moet seker diep in jou binneste besef dit was ongelooflik ongevoelig van jou. Dis iemand se seun,, broer en familielid waarvan jy praat. Hoop nie jy kom so iets oor nie.
Wees ‘n man en vra omverskoning!

Dirk

Ditsem Lea,mooi gese…

Leonie

Sterkte aan die familie! Dis so hartseer!

Christel

Vreeslik jammer om te hoor.. Dis baie hartseer… Hoop die hond het ook ‘n goeie huis…