Dr. Zweli Mkhize, minister van gesondheid, het onlangs aangekondig dat 240 gesondheidsorgwerkers reeds aan Covid-19 gesterf het, terwyl 27 360 gesondheidsorgwerkers reeds positief vir die koronavirus getoets is.
Dit is egter nie net mediese personeel se fisieke gesondheid wat deur die virus geraak word nie. Hul gemoedstoestand en persoonlike lewe word ook daagliks ten diepste geraak terwyl hulle in die voorste linies in hospitale veg om uiters siek Covid-19-pasiënte se lewe te red.
Maroela Media het met ʼn paar gesondheidsorgwerkers gepraat oor hoe die pandemie hulle op ʼn persoonlike vlak raak: