Die aktrise Shaleen Surtie-Richards se begrafnisdiens word Sondag om 14:30 regstreeks uitgesaai.
Pres. Cyril Ramaphosa het vroeër ʼn versoek vir ʼn staatsbegrafnis vir die ontslape aktrise goedgekeur. Dié versoek is wyd ondersteun, ook deur Surtie-Richards se familie.
Surtie-Richards het Maandagoggend in die ouderdom van 66 gesterf. Sy was bekend vir haar vertolking van die rol van Nenna in die destydse M-Net-sepie Egoli en Fiela Komoetie in die oorspronklike rolprentweergawe van Fiela se kind.
Die diens word ook regstreeks op eNCA, DStv-kanaal 403, uitgesaai. Die diens begin om 14:30.
Die beeldmateriaal word beskikbaar gemaak deur Penny Lane Memorials.