Bewyse van geknoeide stoei-uitslae uit 300 nC gevind

stoeiNavorsers het waarskynlik op die oudste dokumentêre bewys afgekom van ‘n geknoeiery met sportuitslae. Die teks van ‘n kontrak tussen die ouers van twee seuns wat aan ‘n prestige stoeitoernooi in Egipte deelgeneem het, en die eindrondte gehaal het, is pas uit antieke Grieks ontsyfer.

Die dokument dateer uit die jaar 267 na Christus.

Die kontrak het bepaal dat Demetrius sou sorg dat Nicantinous wen, vir ‘n bedrag van 3 800 dragmas (min of meer genoeg om ‘n donkie mee aan te skaf). Sou Demetrius “kontrakbreuk” pleeg en tog wen, moes hy drie talente silwer aan Ninatinious oorbetaal.

Dit is lank reeds bekend dat sportuitslae in die Romeinse tyd dikwels geknoei was, maar hierdie is die eerste knoei-kontrak wat nog opgespoor is.

Die dokument is reeds meer as ‘n eeu gelede deur argeoloë by Oxyrhynchus in Egipte gevind, maar eers onlangs getranskribeer en vertaal.

Die volledige artikel kan hier gelees word.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae