Verenigde Koninkryk: Golwe spoel oor die aanloopbaan by vir Sumburgh-lughawe op die Shetland-eilande. Onstuimige weer weens die storm Ingunn het vlugte en veerbootreise belemmer. (Foto: Andy Buchanan/AFP)
Kenia: Brandweermanne is besig om ʼn reusebrand te blus wat in die omgewing van Makadara uitgebreek het. Minstens twee mense is ernstig beseer en groot gedeeltes van eiendomme is vernietig. (Foto: Luis Tato/AFP)
VSA: Besoekers verken die ysmure, roetes en grotte by Ice Castles in North Woodstock, New Hampshire. Brent Christensen het sy eerste ysskepping in die voortuin van sy huis gemaak as pret vir sy gesin. Sedert 2011 is Ice Castles daartoe verbind om ʼn wêreld van ysgrotte, gevriesde watervalle en gletsers te skep, wat in die vorm van boë, grotte, glybane en tonnels voorkom. (Foto Joseph Prezioso/AFP)
België: Polisiebeamptes staan agter ʼn vuur tydens ʼn betoging naby die Europese hoofkwartier op Place du Luxembourg in Brussel. Betogers is onder meer ontevrede oor lae inkomste en inflasie. (Foto: John Thys/AFP)
Saoedi-Arabië: ’n Groep fietsryers tydens die tweede skof van die Al-Ula-fietswedren naby Al-Ula. (Foto: Anne-Christine Poujoulat/AFP)