Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Werkers met gesigmaskers hang lanterns op ter voorbereiding van Boeddha se komende verjaardag in die Chogyesa-tempel in Seoel, Suid-Korea. (Foto: Ahn Young-joon, AP)
Die Europese parlement in Brussel staan leeg sedert toegang tot die perseel beperk is om die verspreiding van Covid-19 hok te slaan. Die EU-instellings se kernfunksies word steeds gehandhaaf, maar ander aktiwiteite, waaronder kulturele geleenthede, verhore, seminare en informele vergaderings van politieke groepe en wetgewers, is vir drie weke opgeskort. (Foto: Olivier Matthys, AP)
ʼn Paar Moslems bid om die Kaaba by die Grand Mosque in Mekka, Saoedi-Arabië. Abdel-Fattah Mashat, Saoedi-Arabië se adjunkminister van gesondheid, het gesê weens Covid-19 (veroorsaak deur die koronavirus) mag burgers van dié land nie vanjaar die pelgrimstog na Mekka meemaak nie. (Foto: Amr Nabil, AP)
Die sonsopkoms Woensdag by die Middeleeuse Karlsbrug in Praag, Tsjeggiese Republiek. (Foto: Petr David Josek, AP)
ʼn Vrou hang haar wasgoed op by ʼn woonstelblok in Harare, Zimbabwe. (Foto: Tsvangirayi Mukwazhi, AP)
My mond hang oop – op die laaste foto…. die mense kry swaar, maar al die woonstelle het skottels? Hoe werk dit dan nou?
Dit sien jy ook in SA by alle informele plakkerskampe.