Die eiendomsmark sal vir die res van die jaar gedemp bly weens ekonomiese groei wat afneem, laer lone en die toename van lewenskoste.
Só glo Henck Conrey, aanbieder van kykNET se Vat jou goed en trek! en mede-eienaar van ’n eiendomsagentskap, in die jongste episode van Maroela Media se podsendingreeks oor ideale skouhuise, die eiendomsmark en hedendaagse dekorgiere.
“Nog ʼn faktor wat tot ʼn gedempte eiendomsmark kan lei, is die toename van lewenskoste wat druk op huishoudings plaas. Hoër rentekoerse maak dit weer duurder om geld vir die verkoop van ʼn huis te leen,” sê Conrey.
“Asook huispryse wat stadiger groei as die tempo van inflasie.”
Conrey meen egter dat alles nie noodwendig negatief is nie, en dat daar ʼn silwer randjie rondom die donker eiendomswolk begin vorm.
“Daar is ʼn groot aanvraag na eiendom vir kommersiële gebruik. Ons sien ook baie internasionale kopers.”
Daar word ook verwag dat huispryse in 2024 staties gaan bly en selfs gaan afneem.
- Luister na die volledige episode boaan die artikel.
- Vir meer inligting, besoek hierdie Facebook-bladsy of Henck Conrey se Instagram-bladsy.
- Lees ook ons onderhoud met Henck Conrey hier op Maroela Media.