Soorte resepte:

Resep-video: Tjokkie-blokkie

Tjokkie-blokkie (Foto: Maroela Media/Janie Monsieur)

Hierdie koekiedeeg-blokkies word nie gebak nie, maar gevries!

Lewer sowat 32 blokkies

Bestanddele

  • 500g donker baksjokolade
  • 2 e klapperolie
  • ¾ k botter, sag
  • ¾ k klewerige bruinsuiker
  • ¼ k witsuiker
  • 1 ½ k koekmeel
  • 4 e melk
  • 1 k sjokoladekrummels

Metode

  1. Smelt die baksjokolade en klapperolie saam.
  2. Gebruik ʼn silikoon-ysbakkie en gooi van die gesmelte sjokolade daarin tot elke holte ʼn bietjie in het. Woel die sjokolade in die ysbakkie, sodat al die kante bedek word. Dreineer die res van die sjokolade uit deur die ysbakkie oor ʼn ander bak om te dop. Hou die orige sjokolade eenkant.
  3. Vries die ysbakkie vir 20 minute.
  4. Meng die botter, bruinsuiker en witsuiker saam met ʼn klitser tot sag en romerig. Gooi nou die meel en melk by en meng weer.
  5. Gooi die sjokolade krummels by en roer. Indien nodig kan jy jou hande gebruik om die koekiedeeg behoorlik te meng.
  6. Haal die ysbakkie uit die vrieskas en skep lepelsvol koekiedeeg in elke holte. Druk effens vas met jou vingers.
  7. Gooi die orige sjokolade bo oor en maak glad met ʼn lepel. Indien die sjokolade wat jy eenkant gehou het al gestol het, kan jy dit weer in die mikrogolf smelt en dan oor die koekiedeeg gooi.
  8. Vries weer vir 30 minute. Haal die ysbakkie uit en dop die blokkies uit die holtes uit. Hou in die yskas.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Lekkers, Nageregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Die Stem ·

Ek het ook gewonder oor die feit dat die Meel nooit gaargemaak word nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.