Soorte resepte:

[Resep] Mikrogolf-aarbeikonfyt

(Foto: Lapa-uitgewers)

Hierdie konfyt is só maklik, jy kan dit sommer vinnig na werk doen!

Lewer ± 400 g

Bestanddele:

  • 500 g aarbeie, gewas, stingels en blare verwyder
  • 20 ml suurlemoensap
  • 300 g suiker

Metode:

  1. Meng die aarbeie en suurlemoensap in ʼn groot mikrogolfbestande bak, bedek en mikrogolf dit 5 minute teen 100%-krag.
  2. Roer die suiker by en mikrogolf onbedek vir 18-20 minute teen 100%-krag. Roer dit elke 5 minute.
  3. Toets vir stolpunt, roer goed en laat vir 5 minute staan.
  4. Roer weer deur sodat die vrugte egalig versprei.
  5. Skep in gesteriliseerde bottels en verseël.

Bottel & gebruik deur Hannetjie Joubert
Uitgewer: Lapa
Prys: R225-00*

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae