Soorte resepte:

Resep: Kiwi-melklollies

Kiwi-melklollies (Foto: Lapa-uitgewers)

Dié lollies is yskoud en perfek vir die somervakansie.
Lewer 4-6 porsies

Bestanddele

  • ¼ k (80 ml) Clover Krush- tropiese sap
  • 3 ryp kiwivrugte, geskil en fyn gekap
  • ½ blik (195 ml) Clover-kondensmelk
  • ½ k (125 ml) Clover UHT 2%-laevetmelk
  • ½ t (2 ml) groen voedselkleursel (opsioneel)

Metode

  1. Meng die sap en kiwivrugte in ʼn pan en verhit stadig tot kookpunt. Verlaag die hitte en prut vir 5 tot 6 minute of tot die vrugte sag is. Laat eenkant om af te koel.
  2. Roer die res van die bestanddele deur die vrugte en verpulp in ʼn voedselverwerker tot heeltemal glad. Giet die mengsel deur ʼn sif indien verkies.
  3. Vul yslollie­vorms met die mengsel en bevries tot hard. Haal die lollies uit die vorms en sit dadelik voor.

Bron: Gunsteling Poedings

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae