Soorte resepte:

Resep: Avokado-en-maaskaashappies

Avokado-en-maaskaashappies (Foto: Lapa-uitgewers)

Hierdie is die perfekte voorgereg, peuselhappie óf bykos saam met aandete.

Bestanddele

  • 2 avokado’s
  • 1 x 250 g bakkie gegeurde maaskaas (“Cheese & Chives” of “Garlic & Herb”)
  • 5 ml suurlemoensap
  • 1 x 170 g blikkie tuna
  • blaarslaai, in repe gesny
  • komkommerskyfies (opsioneel)
  • kersietamaties, gehalveer (opsioneel)
  • selderystokkies (opsioneel)
  • wortelstokkies (opsioneel)

Metode

  1. Sny die avokado’s in die helfte en skep die vlees in ‘n bakkie uit. Behou die heel skille.
  2. Voeg die maaskaas by die avokado’s en meng goed.
  3. Dreineer die tuna, voeg dit by die avokadomengsel en roer dit deur.
  4. Skep die mengsel in die avokadoskille.
  5. Rangskik die blaarslaai en res van die slaaibestanddele (indien gebruik) op ’n dienbord en plaas die avokadohappies daarop.
  1. Geniet dit saam met knoffelrolletjies.

Bron: Kook saam Kaaps

Uitgewers: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae